માણસાઇ નો દુકાળ

આજ કાલ તમામ વ્યવસાય કારોને પોતાને મળતા વેતનથી સંતોષ જોવા મળી રહ્યો નથી. દરેક સંગઠનો   પગાર વધારા માટે વિવિધ એજંન્સીઓ કે સરકાર સામે મોરચો માંડેલી સમાચાર પત્રોમાં જ્ગ્યા ભરતી હોય છે. મારો કર્મચારીઓ પ્રત્યે કોઇ વિરોધ નથી કે સરકાર પક્ષે કોઇ વકિલાત નથી પણ પગાર વધારાને કર્મનિષ્ઠતા સાથે કંઇ જ લેવા દેવા નથી. આપણને ઘણી વખત એવું પણ જોવા મળે છે કે જેટલું વેતન આપણે મેળવીએ છીએ તેટલાનું આપણે સમાજ કે સરકારને વળતર આપીએ છીએ ખરા ?હમણાં એક તાલુકા કેળવણી નિરીક્ષકશ્રીને મળવાનું થયું .તેમને મળીને જાણ્યા પછી લાગ્યું કે હજુ પણ કર્મનિષ્ઠતા સમાજમાં જીવે છે.

જો વેતન વધારાની સાથે માણસાઇમાં વધારો થતો હોત તો આજે મોટા આલિશાન બંગલા તથા મોંઘી ગાડીઓમાં ફરતા , મોટા પગાર મેળવતા અધીકારીઓ જ્યાં વસવાટ કરે છે તેવા  શહેરોમાં માણસાઇનો દુકાળ ન   હોત .