માનવતા નો પર્યાય એટલે.............

માનવતાનો પર્યાય એટલે કેળવણીકાર.આજે એક શિક્ષકની વાત કરવા જઇ રહ્યો છું જેની કામની વિગત તમને જાણ્યા પછી તમે કહેશો કે માનવતાનો પર્યાય એટલે શિક્ષક કે કેળવણીકાર
      આ વાત મહેસાણા જિલ્લાના બહુચરાજી તાલુકામાં છેવાડાના વિસ્તારમાં આવેલા એક ગામના પ્રાથમિક શિક્ષકની છે. આ ગામમાં ધોરણ ૧ થી ૮ સુધીની પ્રાથમિક શાળા આવેલી છે.ગામના બધાજ બાળકો શાળામાં જ જોવા મળતા હતા .પરંતુ ધોરણ ૮ પછી કોઇ બાળક આગળ અભ્યાસ કરવા માટે શહેર કે અન્ય ગામમાં જતા ન હતા.બાળકોના માતાપિતાની પરિસ્થીતી પણ એટલી સધ્ધર નથી કે તેઓ પોતાના બાળકોને આગળ અભ્યાસ માટે મોકલી શકે. આ વાતનો રંજ ગામમાંજ શિક્ષક તરીકે કાર્ય કરતા શિક્ષકના હૈયામાં ડંખતી હતી.

      શિક્ષકે પોતાના મિત્ર અને શંખેશ્વર માં હાઇસ્કુલમાં પ્રિંંન્સીપાલ ને વિનંતી કરીને શાળાના જ એક વધારાના બિન વપરાશી ઓરડામાં પોતાના બે વિધ્યાર્થીઓને રહેવાની વ્યવસ્થા કરી આપી. આ બાળકોના જમવાની વ્યવસ્થાનો તમામ ખર્ચ આ પ્રાથમિક શિક્ષક ઉપાડે છે. આજે આ ગામના  બાળકો ધોરણ ૧૨ ની પરીક્ષા આપી રહ્યા છે. અને આ બાળકો ખૂબજ તેજસ્વી છે. ગામના ધોરણ ૮ પાસ થયેલ તમામ બાળકોને ધોરણ ૯ માં પ્રવેશ અપાવી બાળકોના વાલીની ભૂમિકા આ શિક્ષક ભજવે છે.
ખરેખર  પેન્ટ શર્ટના પોષાકમાં કોઇ સંત હોય તેવું કાર્ય ગુજરાતના પ્રાથમિક શિક્ષકો કરી રહ્યા છે.